Published 20 hours ago • loading... • Updated 20 hours ago

ᐊᔾᔨᓕᐅᒐᖅ ᐱᙳᐊᕈᑎ ᐃᑲᔪᕐᐳᖅ ᐃᓅᓱᒃᑐᓂ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ

Summary

For the English version of this story, please see Video game helps Inuit youth learn mental wellness strategies. ᐅᓇ ᓖᑎᐊ ᑲᓪᓗᒃ ᑎᑎᕋᖅᑎᓪᓗᒍ ᐃᙱᐅᓯᖓᓂ ᒫᓐᓇᒥ ᓵᓚᒃᓴᐅᓯᐊᕋᓱᒃᑎᓪᓗᒋᑦ ᓄᓇᑦᓯᐊᕐᒥ, ᖃᐅᔨᒪᓚᐅᕐᓯᒪᙱᑦᑐᖅ ᑖᓐᓇ ᓂᓪᓕᐊᑎᑕᐅᓂᐊᕆᐊᒃᓴᖓᓂ ᐱᙳᐊᕈᑎᓕᐊᕆᔭᐅᔪᒥᒃ ᐱᐅᓯᕚᓪᓕᖅᑎᑦᑎᓇᓱᒃᑐᒥ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᒃ ᐃᓄᐃᑦ ᐃᓅᓱᒃᑐᖏᓐᓂ. ᐅᕙᓂ ᑕᕐᕆᔭᒐᖅ ᖃᒡᒋᖅᒥ, ᐅᖃᐅᓯᐅᓯᒪᔪᖅ ᓯᕗᓪᓕᖅᐹᖑᓂᖓᓂ ᐃᓄᖕᓄᑦ ᐋᖅᑭᒃᓱᖅᑕᐅᕙᓪᓕᐊᓂᖓᓂ ᑕᕐᕆᔭᒐᖅ ᐱᙳᐊᕈᑎ ᐅᖄᓚᐅᑎᕋᓛᓄᑦ ᐋᖅᑭᒃᑕᐅᓂᐊᖅᖢᓂ, ᐃᓄᒃᑎᑐᑦ ᐃᙱᕐᑐᒥ ᑐᓴᕐᓴᐅᔪᖃᖅᖢᓂ ᐃᓐᓇᕐᓂ ᑕᕐᕆᔭᒐᕐᓂ ᓴᖅᑭᔮᖅᑎᑦᑎᓕᕌᖓᑕ. “ᐃᙱᐅᑎᐅᑉ ᑎᑎᕋᖅᑕᐅᓯᒪᓂᖏᑦ ᐃᒪᓐᓇᐸᓘᕐᑐᑦ, ‘ᐊᖑᑎ ᖃᐅᔨᒪᑦᑎᐊᖅᑐᐊᓗᒃ ᐅᕙᓐᓄᑦ ᐅᖃᓚᐅᕐᓯᒪᖕᒪᑦ ᓱᓕ ᒪᒃᑯᒃᑐᑎᑦ. ᐃᓅᓯᖃᕈᑎᖃᐅᖅᖢᑎᑦ. ᓄᓇᕐᔪᐊᕐᓗ ᑕᑯᐊᓂᒃᓯᒪᙱᖢᒍᑦ,” ᐅᖃᕐᑐᖅ ᑲᓪᓗᒃ, ᐃᒃᐱᐊᕐᔪᒃᒥᐅᑕᖅ, ᐊᐱᕐᓱᖅᑕᐅᑎᓪᓗᒍ. “ᐅᓇ ᐱᐅᔪᐊᓗᒃ [ᐃᓅᓱᒃᑐᓄᑦ] ᑐᓵᑎᖢᒋᑦ ᐃᖏᐅᑎᓂ ᐅᖃᐅᓯᖏᑦᑎᒎᖓᔪᓂ. ᐅᕙᓐᓄᓪᓕ ᐃᓗᐊᕈᑎᒻᒪᕆᒐ ᐃᙱᕐᑎᐅᓪᓗᖓ ᐃᑲᔫᑎᖃᕈᓐᓇᕋᒪ ᑖᔅᓱᒧᖓ.” ᔪᐊᒃ ᓯᓚᑦᑐᖅᓴᕐᕕᐊᓗᒃᒥ ᖃᐅᔨᓇᓱᒃᑎᐅᔪᑦ, ᐃᓄᐃᑦ ᐃᓅᓱᒃᑐᑦ ᐊᒻᒪ ᐃᓕᖅᑯᓯᕐᒥ ᖃᐅᔨᒪᔨᑦ ᐋᖅᑭᒃᓱᐃᕙᓪᓕᐊᓕᓚᐅᕐᓯᒪᔪᑦ ᐱᙳᐊᕈᑎᒥ 2022-ᖑᑎᓪᓗᒍ. ᐅᓇ ᒪᓕᒃᑐᖅ ᐊᓛᓱᐊᒥ, ᐱᙳᐊᖅᑎᓪᓗᐊᑕᐅᔪᖅ, 7-ᓂ ᐊᔾᔨᒌᙱᑦᑑᑎᓂ ᐊᓂᒍᐃᕙᓪᓕᐊᓇᓱᒃᑎᓪᓗᒍ ᓴᓇᔭᐅᓯᒪᓪᓗᓂ ᐃᓄᐃᑦ ᐃᓕᖅᑯᓯᖓᒍᑦ ᖃᓄᐃᓕᐅᕈᓯᕐᓂ ᐊᒻᒪ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ, ᐅᖃᓚᐅᕐᑐᖅ ᐱᓕᕆᐊᒧᑦ ᑐᑭᒧᐊᖅᑎᑦᑎᔨ ᔪᒌᑕ ᓯᖕ.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.