Published 21 hours ago • loading... • Updated 21 hours ago

ᑰᔾᔪᐊᕐᒥ ᐃᓄᑐᖃᕐᓄᑦ ᐊᖏᕐᕋᖓᓂ ᐃᒡᓗᖃᖅᑏᑦ ᓅᑕᐅᕗᑦ ᒪᓐᑐᕆᐋᓪᒧᑦ

Summary

For the English version of this story, please see Tusaajiapik elders home residents being relocated to Montreal. ᐃᒡᓗᖃᖅᑎᐅᔪᑦ ᑰᔾᔪᐊᑉ ᑐᓵᔨᐊᐱᒃ ᐃᓄᑐᖃᕐᓄᑦ ᐊᖏᕐᕋᖓᓂ ᓅᑕᐅᕗᑦ ᓇᖕᒥᓂᕆᔭᐅᔪᒥ ᐃᒡᓗᖁᑎᒋᔭᐅᔪᒥ ᒪᓐᑐᕆᐋᓪ ᓯᓚᑎᑦᑎᐊᖓᓂ 1,500 ᑭᓛᒥᑐᓄᑦ ᓂᒋᕐᒧᑦ. ᓅᑕᐅᓂᖓ, ᑭᐅᓂᕐᒥ ᐱᔭᕆᑐᔪᓄᑦ ᐊᑲᐅᙱᓕᐅᕈᑕᐅᔪᓄᑦ ᐃᒡᓗᕐᔪᐊᒥ, ᐅᖃᐅᓯᐅᓚᐅᖅᐳᖅ ᑲᑐᔾᔭᐅᔪᒥ ᐅᖃᐅᓯᒃᓴᓕᐊᖑᔪᒥ ᓯᑎᐱᕆ 30−ᒥ ᐊᒻᒪ ᐊᑎᓕᐅᖅᑕᐅᓪᓗᓂ ᓕᐊᕆ ᐅᐊᑦᒧᑦ, ᐅᖓᕙ ᑐᓚᑦᑕᕕᒃ ᐋᓐᓂᐊᕕᖓᓂ ᐃᓱᒻᒥᖅᑐᐃᔨᖓᓂ; ᐊᒻᒪᔭᓇᕗ ᒥᐅᓂᒃ−ᐅᐊᑦᑭᓐᔅ, ᓄᓇᕕᖕᒥ ᐊᕕᒃᑐᖅᓯᒪᓂᐅᔪᓂ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐃᓱᒻᒥᖅᑐᐃᔨᖓᓐᓂ. “ᓅᑕᐅᓂᐅᔪᑦ ᐱᒋᐊᖅᓯᒪᕗᑦ ᐊᒻᒪ ᑲᔪᓯᓂᐊᖅᐳᑦ ᑭᓯᐊᓂ ᑕᒪᒃᑭᑦ ᐃᒡᓗᖃᖅᑎᐅᔪᑦ ᐊᑦᑕᓇᙱᑦᑐᒥ ᓅᑕᐅᕌᓂᒃᐸᑕ,” ᑐᓴᒐᒃᓴᓕᐊᖅ ᐅᖃᖅᓯᒪᕗᖅ. ᓅᑕᐅᓂᖓ ᐃᓚᒋᔭᐅᕗᖅ ᐱᖓᓱᐃᓕᖓᔪᒥ ᐊᖏᕈᑕᐅᔪᒥ ᐃᓚᖃᕐᒥᔪᒥᒃ Argyle Inc.−ᑯᑦ ᐊᑯᓂᐅᔪᒥ ᐃᒡᓗᖃᖅᑎᑦᑎᓂᕐᒥ ᐊᒻᒪ ᐸᖅᑭᕝᕕᐅᔪᒥ, ᓇᖕᒥᓂᕆᔭᐅᔪᒥ ᐃᓄᑐᖃᕐᓄᑦ ᐊᖏᕐᕋᐅᔪᒥ ᒪᓐᑐᕆᐋᓪ ᓯᓚᑎᑦᑎᐊᖓᓂ ᐳᐊᐃᓐᑦ ᑭᓕᐊᕐᒥ. “ᐊᖏᕈᑎ ᑐᕌᕋᓱᐊᖅᐳᖅ ᑐᓂᓯᓂᕐᒥ ᐊᑦᑕᓇᙱᑦᑐᒥ, ᐸᖅᑭᑦᑎᐊᖅᑐᒥ ᐊᒻᒪ ᐃᓕᖅᑯᓯᒧᑦ ᐊᒃᑐᐃᓂᖃᕐᓂᖓᓂ ᐆᒪᓂᕐᒧᑦ ᐊᕙᑎᐅᔪᒥ, ᐃᓚᖃᖅᑐᒥ ᐃᓛᓐᓂᓚᐅᓱᖓᕐᒥ ᐊᑐᐃᓐᓇᖃᕐᓂᕐᒥ ᐱᖅᑯᓯᑐᖃᖅᑎᒍᑦ ᓂᕿᓂᑦ ᐊᒻᒪ ᐃᑲᔪᖅᓱᐃᓂᕐᒥ ᐱᖓᓱᓂ ᐃᓄᖕᓂ ᐃᖅᑲᓇᐃᔭᖅᑎᐅᔪᓂ,” ᐅᖃᐅᓯᒃᓴᓕᐊᖑᔪᖅ ᑲᔪᓯᕗᖅ. ᑕᒪᒃᑭᑦ ᐃᒡᓗᖃᖅᑎᐅᔪᑦ ᓅᑕᐅᒍᑎᒃ, ᑐᓵᔨᐊᐱᒃ ᒪᑐᓂᐊᖅᐳᖅ.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.