Published 1 month ago • loading... • Updated 1 month ago

අභිරහස් ලෙස අතුරුදන් වූ විශේෂඥ වෛද්‍යවරයාගේ සිරුර කැලෑවකින් හමුවෙයි

Summary

අභිරහස් ලෙස අතුරුදන් වූ බදුල්ල රෝහලේ නිර්වින්දන විශේෂඥ වෛද්‍යවරයාගේ මළ සිරුර මහියංගනය මාපාකඩවැව ප්‍රදේශය අසල ලදු කැලෑවක ගලක් මත තිබී අද (24) සොයාගෙන ඇත. ඊයේ (23) රාත්‍රියේ සිට එම ස්ථානයේ නවතා තිබූ මෝටර් රථය අතුරුදන් වූ වෛද්‍යවරයාට අයත් එකක් බව හඳුනාගෙන තිබේ.ඉන්පසු ඒ පිළිබඳව ප්‍රදේශවාසීන් සහ පොලීසිය එකතුව සිදුකළ මෙහෙයුමක දී සිරුර සොයාගෙන තිබේ. වෛද්‍යවරයා පැමිණි මෝටර් රථය නවතා තිබූ ස්ථානයට ආසන්නයේ වූ වන ලැහැබක තිබී වෛද්‍යවරයාගේ මෘත ශරීරය හමු වී ඇති අතර, සිරුර අසල තිබී ඖෂධ පෙති වර්ගයක් ද සොයාගත් බව පොලීසිය පවසයි. මෙම විශේෂඥ වෛද්‍යවරයා ඊයේ (23) උදෑසන රාජකාරියේ යෙදී සිටි නමුත් ඉන් පසුව මෙලෙස අතුරුදන්ව ඇති බවත් ඒ බව දැනගත් මොහොතේ සිටම ඔහු සෙවීමේ කටයුතු ආරම්භ කළ බවත් බදුල්ල මහ රෝහලේ ප්‍රකාශකයකු පැවසීය. වෛද්‍යවරයාගේ මරණය සම්බන්ධව මෙතෙක් නිශ්චිත තොරතුරක් හෙළිව නැති අතර ඒ පිළිබඳව පුළුල් විමර්ශනයක් ආරම්භ කර ඇති බව පොලිසිය පවසයි. The post අභිරහස් ලෙස අතුරුදන් වූ විශේෂඥ වෛද්‍යවරයාගේ සිරුර කැලෑවකින් හමුවෙයි appeared first on Newshub.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.