စစ်ကြောင်းထိုးမှုကြောင့် သရက်ချောင်းတွင် ကျေးရွာ ၁၀ ရွာထက်မနည်း စစ်ဘေးရှောင်နေရ၊ စားနပ်ရိက္ခာနှင့် အမိုးအကာ အရေးပေါ်လိုအပ်နေ - ကေအိုင်စီ

စစ်ကြောင်းထိုးမှုကြောင့် သရက်ချောင်းတွင် ကျေးရွာ ၁၀ ရွာထက်မနည်း စစ်ဘေးရှောင်နေရ၊ စားနပ်ရိက္ခာနှင့် အမိုးအကာ အရေးပေါ်လိုအပ်နေ - ကေအိုင်စီ

ဩဂုတ် (၂၁) ရက်၊ ၂၀၂၆ ခုနှစ်။ ကေအိုင်စီ တနင်္သာရီတိုင်းဒေသကြီး၊ သရက်ချောင်းမြို့နယ်တွင် စစ်အုပ်စုက ယခု မိုးရာသီကာလအတွင်း ဆက်တိုက် စစ်ကြောင်းထိုးမှုကြောင့် ကျေးရွာ (၁၀) ရွာထက်မနည်း ဒေသခံများ နေရပ်စွန့်ခွာ ထွက်ပြေးတိမ်းရှောင်နေရပြီး စားနပ်ရိက္ခာနှင့် အမိုးအကာများ အရေးပေါ် လိုအပ်နေကြောင်း စစ်ရှောင်အရေး ဆောင်ရွက်နေသူများ ထံမှ သိရသည်။ အင်အား ရာနှင့်ချီသော စစ်အုပ်စုစစ်ကြောင်းသည် ပြီးခဲ့သည့် ဩဂုတ်လ (၁၀) ရက်နေ့မှစ၍ ပြည်ထောင်စုလမ်းမကြီး၏ အရှေ့ဘက်ရှိ ကင်းရှေ့၊ စော်ဖျား၊ မိုးရွှေကုန်း၊ ဆေးဖြတ်ကုန်း၊ ကျောက်လှေကား၊ ထီးဝ၊ အင်းမနှင့် ကဒတ်ချောင်း စသည့် ကျေးရွာများကို ဆက်တိုက် စစ်ကြောင်းထိုးဝင်ရောက်လာခြင်း ဖြစ်သည်။ “လတ်တလော သရက်ချောင်းမြို့နယ်ထဲက မြောက်ပိုင်းမှာရှိတဲ့ ရွာတွေကို စစ်ကြောင်းထိုးနေတာ တောက်လျှောက်ရှိနေတယ်။ […]