Published 18 hours ago • loading... • Updated 18 hours ago

‘ᐃᓅᖃᑎᑦᑎᓐᓂ ᓂᕆᑎᑦᑎᓂᐅᖕᒪᓐ’: ᐊᖑᓇᓱᒃᑏᑦ ᐅᓄᕐᓂᕐᓴᓂ ᐱᔪᓐᓴᕐᓯᓂᐊᕐᓂᖏᓐᓂ ᓂᕆᐅᒃᑐᑦ

Summary

For the English version of this story, please see ‘It’s feeding our people’: Caribou hunters eager for bigger harvest. ᑭᙵᓂ ᐊᖑᓇᓱᒃᑎ ᑕᖅᑭᐊᓗᒃ ᓄᓇ ᓂᕆᐅᒃᑐᖅ ᑐᑐᒐᓱᒍᓐᓇᕐᓂᐊᕐᓂᖏᓐᓂᒃ ᐊᐅᔭᐅᔪᖅ. ᐅᓇ ᐊᑯᓂᐊᓗᒃ ᓂᕆᐅᒋᔭᐅᓯᒪᔪᖅ. ᐊᕐᕌᒍᓂ ᖁᓕᓂ ᑐᒃᑐᐃᑦ ᐱᔭᐅᔪᓐᓇᕐᓂᖏᑦ ᐃᓱᖃᖅᑎᑕᐅᑲᑕᓚᐅᖅᑎᓪᓗᒋᑦ ᕿᑭᖅᑖᓗᒃᒥ, ᓄᓇᕗᒥᑦ ᒐᕙᒪᒃᑯᑦ ᑐᓴᖅᑎᑦᑎᓕᓚᐅᕐᑐᑦ ᑕᒪᓐᓇ ᑕᖅᑭᖅ ᐱᒋᐊᓕᓵᕐᓯᒪᑎᓪᓗᒍ ᑐᒃᑐᑕᐅᔪᓐᓇᕐᓄᑦ ᐅᓄᕐᓯᑎᑕᐅᓂᐊᕐᓂᕋᖅᑕᐅᓪᓗᑎᒃ 6,000-ᓂ ᑐᒃᑐᒍᓐᓇᕐᓗᑎᒃ — ᖁᓖᕐᓱᖅᖢᓂ ᐅᓄᕐᓂᕐᓴᒻᒪᕇᑦ ᐅᕙᙵᑦ 550-ᓂ ᐊᕐᕌᓂ ᐱᔭᐅᔪᓐᓇᓚᐅᕐᑐᓂᒃ. ᐅᓇ ᑐᑭᖃᕐᑐᖅ ᐊᒥᓱᑦ ᐃᓅᓱᖕᓂᕐᓴᐃᑦ ᑕᒫᓂ ᓄᓇᖃᖅᑐᑦ, ᐃᓚᖏᓪᓘᓐᓃᑦ ᑐᒃᑐᒐᓱᖃᑕᐅᓚᐅᕐᓯᒪᙱᖢᑎᒃ, ᐅᖃᕐᑐᖅ ᓄᓇ, ᐃᒃᓯᕙᐅᑕᕆᔭᐅᖕᒥᔪᖅ ᐊᐃᕕᖅ ᐊᖑᓇᓱᒃᑐᓕᕆᔨᓄᑦ ᐊᒻᒪ ᒥᑭᒋᐊᖅᑎᓄᑦ ᑲᑐᔾᔨᖃᑎᒌᓄᑦ, ᐅᕙᓂ ᑭᙵᓂᑦ. “ᐅᓇ ᐱᐅᒻᒪᕆᒃᑐᖅ ᐊᖑᓇᓱᒃᑎᓄᑦ, ᐱᓗᐊᖅᑐᒥ ᐃᓅᓱᖕᓂᕐᓴᓄᑦ — ᐱᕈᓚᐅᙱᒻᒪᑕ, ᒫᓐᓇᓕ ᑕᐃᒪᐃᓐᓂᐊᓕᕐᑐᑦ,” ᐅᖃᕐᑐᖅ. ᑖᒃᑯᐊ ᑲᑐᔾᔨᖃᑎᒌᑦ 750-ᓂ ᑐᒃᑐᒍᓐᓇᐅᑎᖃᖅᑐᑦ ᑐᓂᔭᐅᔪᒃᓴᓂ ᒫᓂ 1,400 ᐃᓄᖕᓄᑦ ᓄᓇᖃᖅᑐᓂ ᑕᕝᕙᓂ. ᐊᕐᕌᓂᓕ ᑲᑐᔾᔨᖃᑎᒌᑦ 58-ᓂ ᑐᒃᑐᒍᓐᓇᖅᑎᑦᑎᓚᐅᕐᓯᒪᔪᑦ. “ᐅᓇ ᓄᓇᓕᖕᓄᑦ ᐱᐅᒻᒪᕆᒃᑐᖅ ᓲᖃᐃᒻᒪ ᐊᑯᓂᐊᓗᒃ ᓄᖅᑲᖓᑎᑦᑎᔾᔪᑎᐅᖕᒪᓐ,” ᓄᓇ ᐅᖃᕐᑐᖅ. “ᐃᓅᖃᑎᑦᑎᓐᓂ ᓂᕆᑎᑦᑎᓂᐅᖕᒪᓐ.” ᑕᒪᑐᒪᓂ ᐊᕐᕌᒍᒥ ᑐᒃᑐᑕᐅᔪᓐᓇᖅᑐᑦ 12 ᐳᓴᓐᑎᒋᔭᐅᔪᑦ ᑐᒃᑐᐃᑦ ᐅᓄᕐᓂᕆᔭᖏᓐᓂ ᒫᓂ 49,000-ᓂ ᐱᔭᐅᔪᓐᓇᖅᑐᓂᒃ.

This story is only covered by news sources that have yet to be evaluated by the independent media monitoring agencies we use to assess the quality and reliability of news outlets on our platform. Learn more here.